ਤਾਜਾ ਖਬਰਾਂ
ਭੁਲੱਥ | 22 ਫਰਵਰੀ, 2026 -
— ਭੁਲੱਥ ਹਲਕੇ ਤੋਂ ਆਮ ਆਦਮੀ ਪਾਰਟੀ ਦੇ ਹਲਕਾ ਇੰਚਾਰਜ ਹਰਸਿਮਰਨ ਸਿੰਘ ਘੁੰਮਣ ਨੇ ਮੌਜੂਦਾ ਵਿਧਾਇਕ ਸੁਖਪਾਲ ਸਿੰਘ ਖਹਿਰਾ 'ਤੇ ਤਿੱਖਾ ਹਮਲਾ ਕਰਦਿਆਂ ਉਨ੍ਹਾਂ ਦੀ ਕਥਿਤ ਇਮਾਨਦਾਰੀ ਦੇ ਦਾਅਵਿਆਂ ਨੂੰ ਸਿਰੇ ਤੋਂ ਨਕਾਰਿਆ ਹੈ। ਘੁੰਮਣ ਨੇ ਖਹਿਰਾ 'ਤੇ ਆਪਣੇ ਅਹੁਦੇ ਦੀ ਦੁਰਵਰਤੋਂ ਕਰਕੇ ਜਨਤਕ ਰਸਤਿਆਂ 'ਤੇ ਕਬਜ਼ਾ ਕਰਨ ਅਤੇ ਬੇਹਿਸਾਬ ਜਾਇਦਾਦ ਬਣਾਉਣ ਦੇ ਗੰਭੀਰ ਦੋਸ਼ ਲਾਏ ਹਨ।
1. ਪਿੰਡ ਦੀ ਸੜਕ 'ਤੇ ਧੱਕੇਸ਼ਾਹੀ:
ਹਰਸਿਮਰਨ ਘੁੰਮਣ ਨੇ ਦੋਸ਼ ਲਾਇਆ ਕਿ ਵਿਧਾਇਕ ਖਹਿਰਾ ਨੇ ਰਾਮਗੜ੍ਹ ਪਿੰਡ ਦੀ ਸਾਂਝੀ ਗਲੀ 'ਤੇ ਨਾਜਾਇਜ਼ ਕਬਜ਼ਾ ਕਰਕੇ ਉਸ ਨੂੰ ਆਪਣੀ ਨਿੱਜੀ ਪਾਰਕਿੰਗ ਵਿੱਚ ਬਦਲ ਦਿੱਤਾ ਹੈ। "ਜਿਹੜਾ ਵਿਧਾਇਕ ਸੋਸ਼ਲ ਮੀਡੀਆ 'ਤੇ ਕਾਨੂੰਨ ਦਾ ਪਾਠ ਪੜ੍ਹਾਉਂਦਾ ਹੈ, ਉਹ ਖੁਦ ਪਿੰਡ ਵਾਸੀਆਂ ਦੇ ਸਾਂਝੇ ਰਸਤੇ ਖੋਹ ਰਿਹਾ ਹੈ। ਇਹ ਸਿਰਫ ਕਬਜ਼ਾ ਨਹੀਂ, ਸਗੋਂ ਭੁਲੱਥ ਦੇ ਲੋਕਾਂ ਨਾਲ ਧ੍ਰੋਹ ਹੈ।"
2. 100 ਕਰੋੜੀ ਬੰਗਲੇ ਦਾ ਸੱਚ:
ਸਿਆਸੀ ਵਿਰੋਧੀ ਨੇ ਖਹਿਰਾ ਦੀ ਚੰਡੀਗੜ੍ਹ ਦੇ ਸੈਕਟਰ-5 ਸਥਿਤ ਆਲੀਸ਼ਾਨ ਕੋਠੀ ਦਾ ਮੁੱਦਾ ਵੀ ਚੁੱਕਿਆ। ਉਨ੍ਹਾਂ ਕਿਹਾ ਕਿ ਜਦੋਂ ਇਸ ਕੋਠੀ ਨੂੰ ਈ.ਡੀ. (ED) ਵੱਲੋਂ 'ਪ੍ਰੋਸੀਡਜ਼ ਆਫ ਕ੍ਰਾਈਮ' (ਨਸ਼ਾ ਤਸਕਰੀ ਦੀ ਕਮਾਈ) ਵਜੋਂ ਅਟੈਚ ਕੀਤਾ ਜਾ ਚੁੱਕਾ ਹੈ, ਤਾਂ ਖਹਿਰਾ ਕਿਸ ਮੂੰਹ ਨਾਲ ਖੁਦ ਨੂੰ ਇਮਾਨਦਾਰ ਕਹਿੰਦੇ ਹਨ? ਇਸ ਕਰੋੜਾਂ ਦੀ ਜਾਇਦਾਦ ਦੇ ਸਰੋਤਾਂ ਬਾਰੇ ਖਹਿਰਾ ਨੂੰ ਜਨਤਾ ਨੂੰ ਜਵਾਬ ਦੇਣਾ ਚਾਹੀਦਾ ਹੈ।
ਮੰਗਾਂ:
* ਪਿੰਡ ਦੀ ਸੜਕ ਤੋਂ ਨਾਜਾਇਜ਼ ਪਾਰਕਿੰਗ ਤੁਰੰਤ ਹਟਾਈ ਜਾਵੇ।
* ਪ੍ਰਸ਼ਾਸਨ ਖਹਿਰਾ ਦੀਆਂ ਜਾਇਦਾਦਾਂ ਦੀ ਉੱਚ ਪੱਧਰੀ ਜਾਂਚ ਕਰੇ।
* ਮੈ ਰਾਹੁਲ ਗਾਂਧੀ ਨੂੰ ਵੀ ਕਹਿਣਾ ਚਾਹੁੰਦਾ ਹਾਂ ਕੇ ਉਹ ਅਜਿਹੇ ਭ੍ਰਿਸ਼ਟ ਅਖੌਤੀ ਲੀਡਰ ਨੂੰ ਪਾਰਟੀ ਚੋ ਬਾਹਰ ਦਾ ਰਸਤਾ ਦਿਖਾਉਣ। ਜਿਸਨੇ ਇਥੋ ਤਕ ਕੀ ਭਾਰਤ ਪਾਕਿਸਤਾਨ ਦੀ ਵੰਡ ਦੌਰਾਨ ਮਰ ਚੁੱਕੇ ਲੋਕਾਂ ਦੀਆ ਜ਼ਮੀਨ ਦੇ ਸਿਰ ਤੇ ਧੋਖਾਧੜੀ ਕਰ ਕੇ ਪੈਸੇ ਖਾਦੇ ਹੋਣ, ਉਹ ਸਾਰੇ ਪੰਜਾਬ ਨੂੰ ਨੈਤਿਕਤਾ ਦਾ ਪਾਠ ਪੜ੍ਹਾਵੇਗਾ?
Get all latest content delivered to your email a few times a month.
